جماعة حد عنده معلومات دقيقة عن الزامية الفحوصات قبل الزواج ، يعني معلومات اكيدة
10 months, 2 weeks ago.
40 comments so far
هي الزامية في محافظات و مش الزامية في محافظات تانية يعني عندنا في بورسعيد الزامية لكن اللي مش عايز يعمل فحوصات بيروح يكتب كتابه في دمياط عشان مش الزامية هناك
@ mero طيب ما تيجوا نعمل حزب " لا للجوع لا للبطالة لا للعنوسة"
@mfawey. محمود انا ما تابعتش الجايكوهاية دي بصراحة
ما تقولي كانت ايه الاسباب دي وتكسب دعوة حلوة مني علي الصبح كدا
لا بقولكم ايه انا مش عايزة الفكر دا المناصر للعنوسة ربنا يهديكم كدا
خليكوا حلوين وتعالوا نفكر ازاي نعمل الحزب الثلاثي الاهداف دا
ويا ميرو لو علي البنات الكويسين دول كتير اوي برضو لكن علشان الوحش هو الليبيكون ظاهر علشان كدا الواحد مش شايف الكويس
ايوة يا بلو معاكي حق ... بس فيين الفلوس سياتك ؟؟؟!!!! انا تقريبا على وشك اني أقدم استقالة من شغلي و لسة مشبطش في شغل جديد و مش عارف هسافر امتحن ولا اسافر اشتغل و بفكر اخد كورسات تانية و عايز انزل مكتب محاسبة اتدرب ........... اتجوز ازاي انا بقى !! نشحت سوا
:)
يبقي هتخسروا يا حلوين
لان معايا الفطرة والطبيعة ودي اقوي الاسلحة
يعني مش هيكون في اجبار عليكوا يا حلوين انتوا
لكن لما ربنا يكرمكم كدا وتتوفر الباءة لديكم يبقي ساعتها حد فيكم ييجي يقولي انه مش هيتجوز
ابقوا قابلوني وروني حزبكم دا وقتها هينجح ولا لا؟
هع
@oke1985 شوف يا سيدي هي مشكلتنا كمصريين اننا عاملين زي الاقرع ونزهي في نفس الوقت
يعني العريس والعروسة واهاليهم يزنقوا علي نفسهم ويستلفوا ويدخلوا جمعيات علشان ايه بقي
علشان يوفروا للعروسين الكماليات وعلشان شكل العروسةما يكونش وحش قدام قرايبها ومعارفها وكمان اهل عريسها
يعني انا من وجهة نظري لو توافرت الشقة - ودي بالنسبة لي هي العقبة الاكبر- وتوافرت الاساسيات يبقي ساعتها مش هيكون في مشاكل ان الناس تقدر تتجوز
لكن تقول لمين الكلام دا لازم بقي التلفزيون ابو مش عارفة كام بوصة والغسالة الاتوماتيك والمكنسة وطبعا السجاجيد اللي مش عارف شكلها ايه
بجد احنا محتاجين حملة علشان الناس دي تفوق من الاوهام اللي معششة في دماغهم دي
ونتخلص شوية من العنطزة الفارغة بتاعتنا دي
@Talb. ربنا يكون في عونك وقتها
دا لو لقيت وقتها ان الحكومة سامحة بالزواج الشرعي اصلا
طيب ودور الاب الحازم فين
وفين دور التوعية الاجتماعية والدينية بالمشاكل اللي احنا فيها واللي المفروض الاسر تتعلم فيها انها ما تغاليش في طلباتها
كمان اسرة العريس تبطل النظرة الفوقية اللي بتنظر بيها لاهل العروسة لو ما جهزوهاش الجهاز الفاخر والا يتريقوا عليهم
المجتمع كله محتاج غربلة في تفكيره علشان يصحصح ويفوق شوية
@bluerose: دا رابط فيه آخر تطورات القضية اللي رفعناها في المبادرة المصرية للحقوق الشخصية ضد وزير العدل ووزير الصحة أمام القضاء الإداري بخصوص الفحص الطبي الإلزامي
وعلى الرابط ده هتلاقي مزيد من الروابط اللي بتديكي مزيد من التفاصيل والمعلومات الأكيدة بخصوص موضوع الفحص الطبي الإجباري ده
القرارت مؤكدة بالفعل وإلزامية بالفعل ومفيهاش كلام وعشان كدة إحنا رافعين القضية دي للمطالبة بإلغائها... برضو لو عندك حد متضرر من الفحص الإلزامي ومش عاجبه إنه يتفحص تناسليا غصب عنه وضد إرادته أو متضرر من رسوم الفحص الإلزامي يا ريت برضو تخليه يبعت لي وممكن ينضم معانا في القضية كمتضرر
أي خدمة يا أستاذة بس عايزين متضررين... عايزين ناس تتدخل انضماميا معانا في القضية... كل ما عدد الناس المتضررة قدام القاضي بيزيد كل ما فرصنا بتزيد إننا نكسب القضية
بالنسبة لي الضرر السؤال التالي, الفحوصات ديه مين اللي حيشوفا, و ايه المترتب علي النتيجة, و ايه الفحوصات ده اصلا, الالزامي منها يعني, لاني لسة مش عارف, و فيه فحوصات منها حسب الاشاعات يعني \النفسية و احتمالات الامراض الوراثية\ مش قادر اتخيل بعد نتيجة الفحص المفروض نعمل ايه بالنتيجة يعني
و مش مؤيد ولا معارض لحد ما اعرف الاجابة
كمان, مين بقي اللي ليه الحق يشوف نتيجة الفحوصات, اصل لو المأذون تبقي نكتة, الا و كان مجرد اخطاره اننا عملنا الفحوصات من غير ما يبص في نتيجتها
الصراحة, القانون لحد دلوقت بيفكرني بقوانين النظافة العرقية للنازي
بس طبعا مش للاسباب السامية اللي النازي عملوا عشانها القوانين ديه, لكن علي الطريقة المصرية, اهو نلم فلوس, و يبقي اسمنا عندنا قانون فحص قبل الزواج, اللي حتضرب شهاداته كدة كد, و سلملي علي التسنين للبنات عشان يتجوزا قبل السن القانوني
عموما حنشوف لما ابقي اعرف الفحوصات ايه و مين حيشوفها و حيترتب ايه عليها
@Dornen: بالنسبة للفحوصات القانون العبقري ما قررش إيه هي الفحوصات وترك تحديدها للبيه الدكتور (اللي هو طبعا يعرف أكثر بحسب منظومة قيمنا الطبية الكهنوتية) وبالنسبة لمين هيشوفها برضو القانون محددش إيه اللي يتعمل بالفحوصات دي أصلا ونتايجها لا تلزم بشيء ولا تمنع الجواز ولا أي حاجة... ما إلا بس إن الطرفين يبقوا عارفين وعلى نور كل طرف عنده إيه أو معندوش إيه... بس طبعا الأهل كمان هيعرفوا بالضرورة والبيه المأذون هيتطلع على الشهادة الطبية ويسجل رقمها وممكن هنا الأهل يلعبوا دور في الموضوع بناء على نتايج الفحوصات... ولو قلنا مثلا إن نص الشعب المصري عنده فيروس سي ومتعايش معاه فطبيعي إنك هتلاقي آلاف بيواجهوا مشاكل في إتمام جوازهم بسبب تدخل الأهل بعرقلة الزواج على خلفية حمل أحد الطرفين فيروس سي مثلا
بس بعيدا عن الفحوص وإيه هي ومين هيشوفها فيه جزئية مهمة وهي فكرة إجبارية الفحص نفسها... من أبجديات أخلاقيات مهنة الطب إني ما افحصش أي شخص إلا بموافقته، فكيف تتوفر الموافقة في حالة الإلزامية... ومن بين الفحوصات فحص تناسلي فكيف يمكن أن يفحص المرء في مسائله الحساسة "إجباريا" دا إيه الفاشية دي... طبعا فيه انتهاك للخصوصية وفيه انتهاك للحق في الزواج وتكوين أسرة أصلا... بالإضافة إلى إن ترك تحديد الفحوصات للبيه الدكتور بيهدر مبدأ تكافؤ الفرص لأن مش كل الناس هتدفع نفس التكلفة ومين قال إن الطبيب أصلا كفء وهيطلب فحوصات ضرورية فعلا... وبعدين الإلزامية بتضيع أصلا الهدف من الفحص الطبي قبل الجواز لأن اللي اتفحص غصب عن عينه قبل الجواز عمره ما هيروح يتفحص بمزاجه بعد كدة للمتابعة في حالة إن طلع عنده مشكلة ما
40 comments so far
هي الزامية في محافظات و مش الزامية في محافظات تانية يعني عندنا في بورسعيد الزامية لكن اللي مش عايز يعمل فحوصات بيروح يكتب كتابه في دمياط عشان مش الزامية هناك
10 months, 1 week ago by oke1985
مش بفكر في المواضيع دي بصراحة
:D
10 months, 1 week ago by mero
@oke1985. شكرا لك ، طيب واخبار القاهرة ايه ؟ ولو الموضوع ملزم في مناطق ومناطق لا يبقي فين المصداقية بقي ؟
10 months, 1 week ago by bluerose
@mero. طيب علي ما تفكر في المواضيع دي كون فكرة عن مقدماتها ا الاول
10 months, 1 week ago by bluerose
ولامقدمات ولا مؤخرت ولا مؤشرات ... انا مش لاقي اكل سياتك ... ومش لاقي عروسة كمان
:S
10 months, 1 week ago by mero
@mero: وحتى لو لاقين ناكل يا غالى انت نسيت الجايكوهاية الخالدة بتاعت 100 سب لعدم الزواج بعد دة كله تفكر تجوز حرام عليك نفسك
10 months, 1 week ago by mfawey
@ mero طيب ما تيجوا نعمل حزب " لا للجوع لا للبطالة لا للعنوسة" @mfawey. محمود انا ما تابعتش الجايكوهاية دي بصراحة ما تقولي كانت ايه الاسباب دي وتكسب دعوة حلوة مني علي الصبح كدا
10 months, 1 week ago by bluerose
@ mero يا سيدي لو علي العرايس عندنا منهم كتير
10 months, 1 week ago by bluerose
انا برضة مش غاوي جواز علي الاقل في هذه المرحلة الحرجة من حياتي المهنية
10 months, 1 week ago by oke1985
@bluerose: صعب دول وصلوا حوالى 70 سب او ما يزيد انا اجيب ليكى لينك الجايكوهايه احسن
10 months, 1 week ago by mfawey
ماهم كتيير ... بس انك تلطعي الكويس من الوحش ... فيها سنييين .. اسأليني انا
10 months, 1 week ago by mero
حودة ... :)))))))))
10 months, 1 week ago by mero
@bluerose: 73 سبب ووقفنا مكملناش
http://tafatefo.jaiku.com/presence/52103973#c-2060747
10 months, 1 week ago by mfawey
لا بقولكم ايه انا مش عايزة الفكر دا المناصر للعنوسة ربنا يهديكم كدا خليكوا حلوين وتعالوا نفكر ازاي نعمل الحزب الثلاثي الاهداف دا ويا ميرو لو علي البنات الكويسين دول كتير اوي برضو لكن علشان الوحش هو الليبيكون ظاهر علشان كدا الواحد مش شايف الكويس
10 months, 1 week ago by bluerose
لية يا ميرو التعب دة انت لسة هطلع الكويس من الوحش لو معاك فلوس يبقي تدوس
10 months, 1 week ago by oke1985
@mfawey. طيب ايه رايك لو الواحد عمل جايكوهاية مضادة للجايكوهاية دي اذكر 120 سبب للزواج
10 months, 1 week ago by bluerose
ايوة يا بلو معاكي حق ... بس فيين الفلوس سياتك ؟؟؟!!!! انا تقريبا على وشك اني أقدم استقالة من شغلي و لسة مشبطش في شغل جديد و مش عارف هسافر امتحن ولا اسافر اشتغل و بفكر اخد كورسات تانية و عايز انزل مكتب محاسبة اتدرب ........... اتجوز ازاي انا بقى !! نشحت سوا :)
10 months, 1 week ago by mero
اوكي ........ مش معايا فلووووووووس
I HAVE NO MONEYYYYYYYYYY :)
10 months, 1 week ago by mero
@bluerose: ححاربها بكل قوتى انا وميرو وباقة افراد حزب العنوسة
10 months, 1 week ago by mfawey
wana m3ak ya rayeeeeeeees
10 months, 1 week ago by mero
يبقي هتخسروا يا حلوين لان معايا الفطرة والطبيعة ودي اقوي الاسلحة يعني مش هيكون في اجبار عليكوا يا حلوين انتوا لكن لما ربنا يكرمكم كدا وتتوفر الباءة لديكم يبقي ساعتها حد فيكم ييجي يقولي انه مش هيتجوز ابقوا قابلوني وروني حزبكم دا وقتها هينجح ولا لا؟ هع
10 months, 1 week ago by bluerose
امال على زمنى انا لما اجى اتجوز بعد حوالى 20سن كدة هيعملوا اية
10 months, 1 week ago by Talb
بلو روز بتتكلم صح بس هو لسة في حد في مصر عند الباءة اعتقد ان الباءة دية يا اما بتيجي بعد الاربعين يا اما بتبقي وراثة
10 months, 1 week ago by oke1985
@oke1985 شوف يا سيدي هي مشكلتنا كمصريين اننا عاملين زي الاقرع ونزهي في نفس الوقت يعني العريس والعروسة واهاليهم يزنقوا علي نفسهم ويستلفوا ويدخلوا جمعيات علشان ايه بقي علشان يوفروا للعروسين الكماليات وعلشان شكل العروسةما يكونش وحش قدام قرايبها ومعارفها وكمان اهل عريسها يعني انا من وجهة نظري لو توافرت الشقة - ودي بالنسبة لي هي العقبة الاكبر- وتوافرت الاساسيات يبقي ساعتها مش هيكون في مشاكل ان الناس تقدر تتجوز لكن تقول لمين الكلام دا لازم بقي التلفزيون ابو مش عارفة كام بوصة والغسالة الاتوماتيك والمكنسة وطبعا السجاجيد اللي مش عارف شكلها ايه بجد احنا محتاجين حملة علشان الناس دي تفوق من الاوهام اللي معششة في دماغهم دي ونتخلص شوية من العنطزة الفارغة بتاعتنا دي @Talb. ربنا يكون في عونك وقتها دا لو لقيت وقتها ان الحكومة سامحة بالزواج الشرعي اصلا
10 months, 1 week ago by bluerose
يا بلو روز كلامك دة توجهي للبنات لان كل دي عقبات بناتي مش ولادي
10 months, 1 week ago by oke1985
يا عم اوك- معلش مااعرفش اسمك صراحة-المشكلة في الاهل مش في البنات
10 months, 1 week ago by bluerose
غالبا بيبقي الأم مش الأب لان دي طلباته أنثوية
10 months, 1 week ago by oke1985
طيب ودور الاب الحازم فين وفين دور التوعية الاجتماعية والدينية بالمشاكل اللي احنا فيها واللي المفروض الاسر تتعلم فيها انها ما تغاليش في طلباتها كمان اسرة العريس تبطل النظرة الفوقية اللي بتنظر بيها لاهل العروسة لو ما جهزوهاش الجهاز الفاخر والا يتريقوا عليهم المجتمع كله محتاج غربلة في تفكيره علشان يصحصح ويفوق شوية
10 months, 1 week ago by bluerose
ام العريس برضة ملامة مش ام العروسة بس
10 months, 1 week ago by oke1985
@bluerose: دا رابط فيه آخر تطورات القضية اللي رفعناها في المبادرة المصرية للحقوق الشخصية ضد وزير العدل ووزير الصحة أمام القضاء الإداري بخصوص الفحص الطبي الإلزامي
http://eipr.org/press/08/3112.htm
وعلى الرابط ده هتلاقي مزيد من الروابط اللي بتديكي مزيد من التفاصيل والمعلومات الأكيدة بخصوص موضوع الفحص الطبي الإجباري ده
القرارت مؤكدة بالفعل وإلزامية بالفعل ومفيهاش كلام وعشان كدة إحنا رافعين القضية دي للمطالبة بإلغائها... برضو لو عندك حد متضرر من الفحص الإلزامي ومش عاجبه إنه يتفحص تناسليا غصب عنه وضد إرادته أو متضرر من رسوم الفحص الإلزامي يا ريت برضو تخليه يبعت لي وممكن ينضم معانا في القضية كمتضرر
10 months, 1 week ago by MinaZekri
شكرا يا مينا بجد انت هتساعدني كتير
10 months, 1 week ago by bluerose
أي خدمة يا أستاذة بس عايزين متضررين... عايزين ناس تتدخل انضماميا معانا في القضية... كل ما عدد الناس المتضررة قدام القاضي بيزيد كل ما فرصنا بتزيد إننا نكسب القضية
10 months, 1 week ago by MinaZekri
لا مؤاخدة يا دكتور مينا بس فين الضرر من الفحوصات الطبية دية هو مش المفروض ان دة حاجة كويسة
10 months, 1 week ago by oke1985
بس هو موضوع الفلوس دة اللي فعلا ضرر المفروض يبقي مجاني
10 months, 1 week ago by oke1985
عمرو انا قريت ردك في الجايكوهاية التانية قبل ما تمسحه ههههههههههههههه
10 months, 1 week ago by bluerose
ما انا اتلخبطت و اكتشفت اني حاطيت ردي في جايكوهاي غلط فمسحته
10 months, 1 week ago by oke1985
لا ولا يهمك يا سيدي
10 months, 1 week ago by bluerose
بالنسبة لي الضرر السؤال التالي, الفحوصات ديه مين اللي حيشوفا, و ايه المترتب علي النتيجة, و ايه الفحوصات ده اصلا, الالزامي منها يعني, لاني لسة مش عارف, و فيه فحوصات منها حسب الاشاعات يعني \النفسية و احتمالات الامراض الوراثية\ مش قادر اتخيل بعد نتيجة الفحص المفروض نعمل ايه بالنتيجة يعني
و مش مؤيد ولا معارض لحد ما اعرف الاجابة
كمان, مين بقي اللي ليه الحق يشوف نتيجة الفحوصات, اصل لو المأذون تبقي نكتة, الا و كان مجرد اخطاره اننا عملنا الفحوصات من غير ما يبص في نتيجتها
الصراحة, القانون لحد دلوقت بيفكرني بقوانين النظافة العرقية للنازي
بس طبعا مش للاسباب السامية اللي النازي عملوا عشانها القوانين ديه, لكن علي الطريقة المصرية, اهو نلم فلوس, و يبقي اسمنا عندنا قانون فحص قبل الزواج, اللي حتضرب شهاداته كدة كد, و سلملي علي التسنين للبنات عشان يتجوزا قبل السن القانوني
عموما حنشوف لما ابقي اعرف الفحوصات ايه و مين حيشوفها و حيترتب ايه عليها
10 months, 1 week ago by Dornen
ادخل على الرابط اللي انا سبته وانت تعرف التفاصيل والدفوع القانونية في القصة
المشكلة مش في الفحص في ذاته ولكن في إلزاميته
10 months, 1 week ago by MinaZekri
@Dornen: بالنسبة للفحوصات القانون العبقري ما قررش إيه هي الفحوصات وترك تحديدها للبيه الدكتور (اللي هو طبعا يعرف أكثر بحسب منظومة قيمنا الطبية الكهنوتية) وبالنسبة لمين هيشوفها برضو القانون محددش إيه اللي يتعمل بالفحوصات دي أصلا ونتايجها لا تلزم بشيء ولا تمنع الجواز ولا أي حاجة... ما إلا بس إن الطرفين يبقوا عارفين وعلى نور كل طرف عنده إيه أو معندوش إيه... بس طبعا الأهل كمان هيعرفوا بالضرورة والبيه المأذون هيتطلع على الشهادة الطبية ويسجل رقمها وممكن هنا الأهل يلعبوا دور في الموضوع بناء على نتايج الفحوصات... ولو قلنا مثلا إن نص الشعب المصري عنده فيروس سي ومتعايش معاه فطبيعي إنك هتلاقي آلاف بيواجهوا مشاكل في إتمام جوازهم بسبب تدخل الأهل بعرقلة الزواج على خلفية حمل أحد الطرفين فيروس سي مثلا
بس بعيدا عن الفحوص وإيه هي ومين هيشوفها فيه جزئية مهمة وهي فكرة إجبارية الفحص نفسها... من أبجديات أخلاقيات مهنة الطب إني ما افحصش أي شخص إلا بموافقته، فكيف تتوفر الموافقة في حالة الإلزامية... ومن بين الفحوصات فحص تناسلي فكيف يمكن أن يفحص المرء في مسائله الحساسة "إجباريا" دا إيه الفاشية دي... طبعا فيه انتهاك للخصوصية وفيه انتهاك للحق في الزواج وتكوين أسرة أصلا... بالإضافة إلى إن ترك تحديد الفحوصات للبيه الدكتور بيهدر مبدأ تكافؤ الفرص لأن مش كل الناس هتدفع نفس التكلفة ومين قال إن الطبيب أصلا كفء وهيطلب فحوصات ضرورية فعلا... وبعدين الإلزامية بتضيع أصلا الهدف من الفحص الطبي قبل الجواز لأن اللي اتفحص غصب عن عينه قبل الجواز عمره ما هيروح يتفحص بمزاجه بعد كدة للمتابعة في حالة إن طلع عنده مشكلة ما
10 months, 1 week ago by MinaZekri